BR LA UNION – Temporaryo a sinuspinde ti Philippine Air Force iti operasyon dagiti 11 a nabatbati nga FA-50 fighter jets kalpasan a nagsuwek ti maysa iti kabakiran idiay Bukidnon.
Segun kenni Philippine Air Force Spokesperson Col. Ma. Consuelo Castillo, naipasidong iti grounded status iti sibubukel nga FA-50 fleet kalpasan a nasarakan iti nagsuwek nga eroplano, a nakatayan ti dua a piloto.
Agtultuloy iti nainget nga imbestigasyon iti insidente tapno amwen ti makagapo iti aksidente.
Naamwan a parbangon idi Martes, March 4, a naipadamag a mapukpukaw iti fighter jet bayat a mangisay-sayangkat ti tactical night operations kas suporta iti ground troops a maipagarop a makirin-rinnupak kadagiti rebelde nga NPA.
Naggapo ti aircraft idiay Mactan airbase idiay Cebu ngem sakbay pay a nakadanon iti target area, napukawen ti komunikasyon ti nasao a fighter jet.
Nagkari met iti suporta iti Philippine Air Force iti naulila a pamilya dagiti natay a piloto.
