Nanayonan pay ti bilang dagiti OFW iti Region 1 a napaawid ken inasistaran iti Overseas Workers Welfare Administration Region 1 (OWWA Region 1) gapu iti Covid-19.
Maibasar iti nakalap a datos iti Bombo Radyo La Union manipud iti OWWA Region 1, sipud idi March 18 agingga iti agdama, adda 16,902 dagiti natulongan ti OWWA Region 1.
Ti probinsiya iti Pangasinan ket addan nagawid a 9, 268 OFW’s, La Union (3,188); 2,566 iti Ilocos Sur; ken (1,880) idiay probinsiya iti Ilocos Norte.
Karaman kadagiti naipaay nga tulong kadagiti OFW’s ket ti transportasyon, accomodation, makan ken koordinasyon kadagiti provincial government ken LGU’s.
Naipanamnama a dagiti nagawid nga OFW’s ket addaan iti kumpleto a dokumento, adda negative result iti RT-PCR swab test manipud iti DOH ken Bureau of Quarantine, ken napalubosan dagitoy nga agawid kadagiti bukodda a probinsiya.
