Dinadael ti Philippine Drug Enforcement Agency-Cordillera ken Police Regional Office Cordillera ti agarup maysa a tonelada ti illegal a droga babaen iti clinkerization, maysa a chemical ken thermal a proseso idiay Bacnotan La Union idi kalman, Pebrero 21, 2023.
Ti pannakiuman ti Bombo Radyo Baguio, kinuna ni Atty. Ernezto Marzo, Acting Assistant Regional Director ti PDEA-CAR, pakabuklan a 900-K kilos nga iligal a droga ti dinadaelda nu sadinno kaaduan ket marijuana.
Segun pay iti opisyal, daytoyen ti kadakkelan a bilang a dinadaelda sipud idi tawen 2018.
Inlawlawag met ni Sam Manlosa, Head ti Geocycle a maipasidong iti 1400° temperature dagiti drug evidence.
Kabayatannna, dinakamat ni PCOL RONALD GAYO, DRDO PROCOR, representative ni PROCOR Regional Director PBGEN Mafelino Bazar, 95.6% ti conviction rate iti Cordillera, kayatna a saoen nga adu dagiti natiltiliw a drug personalities kadagiti naipatpatungpal nga anti-illegal drug operation.
