Dinadael dagiti operatiba manipud PDEA RO I – Ilocos Sur Provincial Office (PDEA RO I-ISPO), Sugpon Police Station, Ilocos Sur Police Provincial Office-Provincial Intelligence Unit (ISPPO-PIU), ken 2nd Ilocos Sur Provincial Mobile Force Company (2nd ISPMFC) ti aggatad P2,300,000 a marijuana plants babaen ti naballigi nga eradication operation idiay Sitio Nagawa, Barangay Caoayan, Sugpon, Ilocos Sur.
Kinuna ni PDEA RO I Regional Director, Director III Joel B Plaza a pinarut dagiti operatiba ti aganay 11,500 a pidaso ti fully grown marijuana plants manipud kadagiti tallo a plantation sites nga addaan ti total land area a 4,000 square meters idi Marso 12.
Dagiti nasao a marijuana ket inuram metlaeng dagiti operatiba iti lugar a nakaparutan da kalpasan ti operasyon.
