Nakumpiskar ti Philippine Drug Enforcement Agency (PDEA) ti aganay P2.5-M a gatad ti marijuana brics ti maysa a buy-bust operation idiay Burnham-Legarda, Baguio City a nagresulta ti pannakaarestar kadagiti dua a notorious drug personalities.
Segun kenni Regional Director Derrick Arnold Carreon, maysa a 43-anyos a lalaki Bakun, Benguet ken 52-anyos a lalaki manipud met Cabanatuan, Nueva Ecija ti naki-transaksyon iti ahente ti PDEA-Cordillera Administrative Region (CAR) Baguio.
Idi makita a positibo iti operasyon, ditoy metten a kinemmeg ti PDEA agent dagiti dua a target ken naala manipud kadakuada ti 21 kilo iti napagango a marijuana bricks.
Adda itan ti kustodiya ti PDEA-Cordillera dagiti dua ken maisagsaganan ti kaso da a panaglabsing ti Republic Act 9165 wenno Comprehensive Dangerous Drugs Act of 2002.
