LA UNION – Naipasidongen iti custodiya ti Provincial Environment and Natural Resources (PENRO) iti P200,000 a balor dagiti premium pine wood, a kinumpiskar dagiti otoridad iti insayangkat da a road clearing operation idiay Barangay Nazareno, Agoo, La Union.
Kinuna iti Bombo Radyo La Union ni C/Inspector Roy Villanueva, agdama a chief-of-police ti Agoo PNP, mangisay-sayangkat da ti operasyon idi madlawan da iti maysa a 10-wheeler truck a nakaparada iti igid ti kalsada ken nagkarga iti lumber.
Sinita dagiti otoridad iti driver ti truck ken napaay a makaiparang iti maiyannatop a dokumento isutgapuna a kinumpiskar da dagiti nasao a kayo.
Agtultuloy iti imbestigasyon dagiti otoridad iti nasao a kaso.
