LA UNION – Mangisay-sayangkat ti bukod nga imbestigasyon iti Philippine Army seknan iti maipagarop nga Army reservist a miyembro ti Angels of death.
Iti presscon idiay Kampo Aguinaldo ita nga aldaw, imbaga ni PA spokesperson Col. Louie Dema-ala nga iti bukod da nga internal investigation, awan pay iti natakwatan da a reservist a karaman iti maipagarop nga armado a grupo ni Kingdom of Jesus Christ (KOJC) leader Pastor Apollo Quiboloy.
Siniguro ni Dema-ala, iti kanito a matakwatan da nga adda army a karaman iti nasao a kaso ket saan da nga agduadua a patawan daytoy t pannusa.
Immunan a naipadamag a kinumpirma ti Armed Forces of the Philippines (AFP) nga adda nasurok 500 army reservist a miyembro ti KOJC.
Segun kenni Col. Rey Balido, Deputy Chief, Public Affairs Office ti Philippine Army, 2015 pay nga accredited iti PA reservist iti media network ni Quiboloy a maw-awagan ti 2nd signal battalion Philippine Army reserve unit.
