Nangiruar iti pammilin ti Philippine Amusement and Gaming Corporation (PAGCOR) para ti madagdagos a pannakaikkat kadagiti billboards ken outdoor ads nga adda pakainaigan na ti sugal kas addang a mangrotektar kadagiti agtutubo ken dadduma pay a sektor kontra ti adiksyon ti online gambling.
Inikkan ti 15 nga aldaw a deadline ti ahensya dagiti lisensyado a gambling operators ken suppliers tapno ikkaten dagiti advertisements kadagiti tren, bus, jeep, taxi, ken dadduma pay a nakaipaskil kadagiti pampubliko a lugar.
Mainayon pay ket nabilin da a maaddaan iti inventory kadagiti ads, pakairamanan ti rukod, materyales, lokasyon, petsa ti expiration ti kontrata, ken permit manipud ti Ad Standards Council (ASC).
Nagpakdaar pay ti PAGCOR kadagiti stakeholders a mangikabil manen kadagiti baro nga gambling ads nga adda iti agur-uray kadakukada a nadagsen a pannusa.
