Sinnirek iti saan pay nga ammo nga agtatakaw ti pagtaengan ti maysa a pulis idiay Brgy. Cabaroan, Bacnotan, La Union idi bigat kalman.
Nabigbig iti biktima a ni PSSg Lodovico, 40 anyos, addaan asawa, nakadestino iti RMFB1 103rd MC, iti Police Regional Office 1, ken residente ti nasao a lugar.
Maibasar iti imbestigasyon ti Bacnotan Police Station, sakbay ti insidente ti biktima ket indisso na ti sling bag na iti uneg ti silid da particularl iti durabox.
Ti biktima ken ti pamilya na ket agin-inana iti salas ken iti makariing idi bigat kalman ket nadiskubreda a ti sliding window nga adda ti laud a direksyon ket nadadael ken ti duraboxda ket nalukatan ken ti nasao nga sling bag a nakaikabilan ti nadumaduma nga ID’s ken ti issued firearm na a Glock 17 with searial number 38130 ket intaray pay iti saaan nga ammo a suspek.
Naglibas met laeng dagiti suspek iti simrekanda a sliding window ti biktima kalpasan iti inaramid dagitoy.
Iti sabali a bangir, iti pannakiuman ti Bombo Radyo La Union kenni Pol. Major Joefrey Sanchez, chief of police ti Bacnotan nga addaan ti person of interest a makitkita dagitoy ngem saanda pay laeng nga inruar.
Kinuna na a sakbay ti insidente ket nagpi-picnic ti pamilya ken mabalin a dagus a nakaturog dagitoy gaputi bannog.
Maibasar pay iti agtultuloy nga imbestigasyon ket naduktalanda nga awan iti anya a record ti biktima kadagiti amin a nagserbian na a Police Station.
Inkaso man a mapaneknekkan a nailako ti service firearm ket sumango iti kaso ti biktima ken maikkat pay kenkuana dagiti benipisyo daytoy.
Kabayatan na, pinalagipan ni Sanchez ti publiko nga annadan dagiti alikamen dagitoy tapno saanen a maulit ti nasao nga insidente.
