BR LA UNION – Tinakderan manen ti Malacañang nga agtaltalinaed a hearsay dagiti maipagarop a “Cabral files” a maikon-konektar iti “Leviste list” ken awanan ti probative value na agingga a patalgedan daytoy ti Department of Public Works and Highways (DPWH).
Iti statement ni Castro, kinuna na a res-respetuenna ni Sen. Panfilo Lacson, ngem dagiti maibagbaga a “Cabral’s files” ket saan nga authenticated ti DPWH, isu a damag pay laeng dagitoy ken awan ti dagsenda kas ebidensiya.
Impaganetget ni Castro nga awan pay ti statement manipud Malacañang a mangkuwes-kuwestiyon kadagiti ebidensiya a nakalap babaen iti hearing nga insayangkat ti Senate Blue Ribbon Committee nga idaulwan ni Sen. Lacson.
Innayon ni Castro nga agtultuloy ti panagurnong ti administrasyon kadagiti ebidensiya tapno mapagsungbat dagiti karaman iti kinakusit.
Inpaganetget ti Palace Official a nasken nga agpannuray iti rule of law ken awan ti lugar dagiti ispekulasyon ken saan a beripikado nga ebidensiya.
Inulit ni Castro iti nalawag a takder ni Presidente Ferdinand Marcos Jr. a pagsungbaten amin a responsable wenno nagbasol.
Iti udi, nainget a pinaglibakan ni Castro ti anyaman nga alegasyon nga adda kal-kalluban nga anomalya ti Malacañang.
