Binabalaw ni House Committee on Public Accounts Chairman ken Bicol Saro Party-list Rep. Terry Ridon iti keddeng ti Senado nga i-archive iti impeachment complaint kontra kenni Bise Presidente Sara Duterte a maipagarop a nagserbi kas lapped tapno maamwan dagiti Pilipino iti kinapudno.
Impaganetget ti kongresista nga iti P612.5 milyon ti confidential funds pakairamanan iti kontrobersyal a P125 milyon a nagastos laeng iti uneg ti 11 nga aldaw ket agtaltalinaed nga awan ti nalawag a palawag.
Innayon na pay, naaramid ti Kamara iti pagrebbengan daytoy iti sidong ti Konstitusyon idi maipatulod iti Senado iti kaso para iti panagusing, ngem inakkuban laeng ti Senado babaen ti maysa a procedural vote.
Ballaag ni Ridon, mangitudtuding daytoy ti maysa a peggad nga iti pagarigan ket mabalin a liklikan iti pagsungsungbatan, saan a babaen ti panaglibak kadagiti akusasyon wenno pammabasol, no di ket ti panangisara iti mismo a proseso.#
