Intuding ti Korte Suprema inton sumaruno a tawen ti oral arguments kadagiti petisyo a mangkweskwestion ti panangiyakar ti pondo ti Philippine Health Insurance Corp. (PhilHealth) iti national treasury.
Maibasar ti report ti Korte Suprema, maangay ti hearing inton Pebrero-4, 2025.
Immunan nga intuding ti nangato nga hukom daitoy idi pay Nobiembre 2 ngem saan laeng a naipakaammo iti publiko.
Sigud met a nakatuding daitoy nga oral argument iti Enero 14, 2025 ngem inyakar laeng kamauddiananna ti Korte Suprema.
Oktobre ti agdama a tawen ket nangiruar ti korte iti temporary restraining order (TRO) a manglaplapped ti pannakaiyakar ti nasao nga pondo.
Siguden nga inyarkar ti state health insurer iti P20 billion idi Mayo 2024 ken napasarunuan pay ti kanayunan a P10 billion idi bulan ti Agosto.
Ti maikatlo a tranche ket idi Oktobre nga aggatad ti P30 billion. Kanayunan met a P29.9 billion di mayakar idi Nobiembre ngem nairuar metten ti TRO kontra iti daitoy.
