Nagtaripnong dagiti kaalyado ti Ukraine idiay Paris para iti napateg a saritaan a mabalin a makatulong iti seguridad ti pagilian no maaddaan ti ceasefire iti nagbaetanda ti Russia, ngem saan a sigurado iti progreso gapo iti panakaiyalis ti pokus ti Trump administration idiay Venezuela.
Idi Disiembre 31, kenunu ni French President Emmanuel Macron a mangaramid ti konkreto a commitments dagiti kaalyado tapno masalakniban iti Ukraine ken magun-od iti agnanayon a kinakappia.
Dimmar-ay iti panagtaripnong dagiti 35 nga opisial, karaman dagiti 27 nga heads of state, bayat nga iti Estados Unidos ket imbagi dagiti envoys ni Steve Witkoff ken Jared Kushner, ken saan a ni Secretary of State Marco Rubio.
Panggep ti panagtitipon a maaddaan ti konkreto nga addang kadagiti lima a prayoridad; panangsubaybay iti ceasefire; suporta iti armed forces ti Ukraine; deployment ti multinational force; garantiya kontra iti posible a kabaruan nga agresion ti Russia; ken napaut a defense cooperation.
Saan a nalawag iti agdama no magun-od dagitoy a panggep kabayatan iti panagbalin a makumikom ti Estados Unidos idiay Venezuela.
Tarigagay ti Ukraine ti natibker a garantiya ti militar ken dadduma pay a suporta manipud Washington sakbay a maala iti commitment manipud kadagiti dadduma a kaalyado, gapu iti panagdanag a mabalin nga aramaten ti Russia iti ceasefire tapno rumaut.###
