Nagpanawagan dagiti sumagmamano a labor groups nga aglosolos iti puesto ni Baguio City Mayor Benjamin Magalong.
Daytoy ket kalpasan a dinutukan isuna ni Presidente Ferdinand Marcos Jr. kas special adviser ti Independent Commission for Infrastructure (ICI) a nakapamaysa kadagiti kaso nga adda pakainaigan na iti korapsyon kadagiti proyekto a pang-imprastraktura ti gobierno iti napalabas a 10 a tawen.
Segun ti Nagkaisa Labor Coalition, bigbigbigen da iti integridad ken dedikasyon ni Magalong ngem saan a rumbeng nga igiddan na daytoy iti pagrebbengan na kas mayor.
Dinakamat pay ti grupo iti Section 7, Article IX-B ti 1987 Constitution, a mangiparparit kadagiti elected officials nga adda iti termino a maipatugaw iti sabali a posisyon iti gobierno.
Awan pay ti sungbat ni Mayor Magalong iti panawagan, ngem kadagiti napalpalabas nga aldaw ket kenunana nga agtalinaed isuna kas alkalde ti Baguio City bayat a tumultulong iti ICI.
Segun ti kampona, saan isuna nga agbalin a miembro ti komisyon ken agsubmitir laeng ti ebidensya ken dokumento a maala na kas paset ti imbestigasion.###
