Agtultuloy ti panagimbag ti kasasaad ti alun-at ni Pope Francis.
Segun iti Vatican, kas kadagiti napalabas nga aldaw ket nagbalin a napintas ti kondisyon ti Santo Papa.
Nupay kasta, inlawlawag met dagiti maseknan ti agtultuloy a panagobserbar da ti salun-at na idiay Gemelli Hospital, Rome.
Nagbalin a nabuntog ti panagrekobre ti Santo Papa ken kasapulan pay ti sumagmamano nga aldaw para iti naan-anay a panagsayaat ti kasasaad na.
Gapo iti daitoy ket tarigagay pay dagiti doktor a limitaran ti panangiruar ti medical update nu idasig idi kallabes a lawas.
