BR LA UNION – Maipariten ita nga aldaw ti Domingo, Mayo 11, iti amin a klase ti panagkampanya dagiti kandidato, bisperas ti eleksiyon inton bigat, Mayo 12.
Kagiddan daytoy iti panangipatungpal ti nationwide liquor ban.
Inallokoy ni Comelec Chairman George Erwin Garcia dagiti kandidato a rugyanen nga ikkaten dagiti campaign materials, kabilang dagiti agkakadackel a tarpaulin agsipudta maibilang daytoy a panaglabsing iti eleksiyon.
Impaganetget pay ni Garcia a saan a sakop ti exemption iti campaign ban dagiti digital platforms.
Kabayatanna, pinalagipan pay ti poll body dagiti kandidato a liklikan ti agrikos kalpasan ti panagbotos inton bigat, gaputa mabalin a maibilang daytoy a last-minute campaigning.
Inton bigat, maisayangkaten ti midterm elections, aglukat dagiti polling precincts iti oras alas-5 ti agsapa tapno ikkan prayoridad dagiti nataengan, addaan diperensiya iti bagi wenno PWDs, ken dagiti masikog a rehistrado a botante a makabotos a nasap-sapa agingga alas-7 ti bigat.
