Ti laksid ti Holiday Season ken umadanin a kaaldawan ti paskua, agtaltalinaed a nakapsut iti panaglakuan dagiti Frozen Processed Foods ken dagiti pangregalo.
Agpada a kenuna ni Ms. Rowena Suyat, maysa a Frozen Processed Foods Vendor ken ni Mr. Ruben Espinueva, maysa a gift vendor iti pampubliko a merkado ti Siyudad ti San Fernando, a nakapsut ita iti panaglakuan da no iyarig idi napalabas a tawen tunggal Christmas Season.
Maysa kadagiti makitkitada ket iti panangipangruna dagiti nagannak iti pagkasapulan dagiti estudyante ken ti panaglukat dagiti mall.
Gapo ti daytoy saan nga agkur-kurang iti suplay ti Frozen Processed Foods gapu ta nababa iti demand isu a saan a manamnama a mabaliwan dagiti presio kadagiti sumarsaruno nga aldaw.
Ti Ham a maysa kadagiti kangrunaan a gagatangen dagiti umili nu Holiday Season ket agbalor ti 55, 60, wenno 70. Ti Hotdog met a kadawyan nga ilalaok ti Spaghetti sauce ket agbalor 50, 60, wenno 70. Ken ti Chicken Nuggets a maysa kadagiti kangrunaan a kidkidawen dagiti ubbing ket agbalor ti 60, 70, wenno 120. Nakadepende amin ti klase ti presyo dagiti magatang.
Bayat nga iti presio dagiti teddy bears a maysa kadagiti mairegregalo ket agbalor ti P250 agingga P380 dagiti babassit ken ti kadakkelan ket dumanon ti P2700.
Malaksid ditoy ket adda met dagiti washable pillows nga ilak-lakoda nga agbalor ti P280-380, ken gift wraps nga agbalor ti P5.#
