Awan ti narekobre a CCTV footage manipud iti mismo a posisyon dagiti kameng ti Office of the Sergeant-at-Arms ken Philippine Marine Corps mainaig ti shooting incident idiay Senado, rabii ti Miyerkules, Mayo 13.
Daitoy ti kinuna ni OSAA Chief ken retired Major General Mao Aplasca idi nadamag para ti posible nga ebidensya iti imbestigasyon.
Segun kenni Aplasca, ti laeng posisyon dagiti ahente ti National Bureau of Investigation ken “dulo ng tactical personnel” ti Senado iti naala ti na-review a CCTV footage.
Pinaglibakan na pay dagiti agwarwaras a damag nga adda iti mapapati a video nu sadinno ket nangngegan ni Senador Jinggoy Estrada nga ibilbilib nga ilemmeng ti footage.
Kabayatanna, aminado met ti opisyal nga isuna iti immuna a nagpaputok para iti warning shot kas paset ti “rules of engagement.”
Ar-aramiden da laeng daitoy kunana nu agpeggad ti biag dagiti tao da ken tapno mapaatras ti bangir a dasig.
Nakita da nga armado ti nangangato a kalibre ti paltog dagiti saan pay idi mabigbig nga indibidwal isu nag-verbal challenge da ken pinilit dagitoy nga agpaam-ammo, kasta met nga ibaba dagiti paltog da.
Gapo iti agresibo da a panagtignay ket panagpangta, napilitan isuna nga ag-warning shot, a nagtungpal iti sinnukat ti putok.
Awan ti siasinoman a nadangran iti insidente, kasta met a natalged amin a media personnel, empleyado ti Senado, ken dagiti Senador nga adda iti uneg ti pasdek.
