Pinasingkedan ti Pentagon nga in-deploy da ti USS Tripoli, maysa nga amphibious assault ship, karaman ti 31st Marine Expeditionary Unit (MEU) nga addaan ti nasurok-kumurang 2,500 U.S. Marines agturong idiay Middle East.
Ti barko ket nakabase idiay Japan ken manamnama a makasangpet ti las-ud ti maysa agingga dua a lawas tapno papigsaen ti presenya ti Estados Unidos iti rehiyon.
USS Tripoli General Specifications:
-Type/Class: America-class amphibious assault ship
– Displacement: ~45,000 tons (full load)
– Length: 844 feet (257 meters)
– Beam (width): 106 feet (32 meters)
– Draft: 26 feet (7.9 meters)
– Propulsion: Two marine gas turbines, two shafts, producing about 70,000 horsepower
Segun kadagiti opisyal, panggep ti deployment a suportaran dagiti operasyon iti kangitingitan ti kumarkaro a tensyon idiay Iran, nangruna idiay Strait of Hormuz a pagdaldalyasatan ti nasurok 20% a sangalubongan a supply ti langis.
Iti agdama ket dumanon ti mapatta-patta a 50K a tropa ti Estados Unidos ti nakadutok idiay Middle East karaman dagiti dua a carrier strike groups a nangiyuswat ti operasyon. Sumagmamano pay a warships ken F-35 fighter jets ti nakasagana para ti kanayunan nga air ken sea power.
Dinakamat ti Pentagon a ti addang ket paset ti nalawlawa nga estratehiya tapno ipasiguro ti kinatalged dagiti shipping lanes ken masalakniban dagiti kaalyado ti Estado.
