Dinosena nga international law experts idiay Estados Unidos ti narperma ti maysa nga open letter a mangpakpakdaar kadagiti kallabes a panagraut idiay Iran a mabalin a maibilang kas war crimes, kasaruno ti kabaroan manen a pangta ni US President Donald Trump a puntiryaen da dagiti power ken desalination facilities ti pagilian.
Inwaragawag ni Trump ti maysa a televised address idi Miyerkules a mabalin a kumaro pay iti tensyon nu saan a masungbatan ti Iran dagiti pagayatan ti Washington ken innayon nga agtaltalinaed a target da ket dagiti energy ken oil infrastructures.
Ti mensahe nga insurat ken pinermaan ti nasurok 100 a legal scholars mainpud kadagiti institusyon a kas ti Harvard, Yale, Stanford, ken University of California, ket agpapada a nangdakamat ti seryoso a pakaseknan para ti posible a panaglabsing ti international human rights ken humanitarian law dagiti tignay ti Estados Unidos.
Itudtudo da ti agpada nga addang ti U.S. military ken waragawag dagiti senior officials a pagbasaran dagiti panaglabsing.
Karaman kadagiti nadakamat ket ti waragawag ni Trump idi kangitingitan ti Marso a nagkuna a mabalin a mangisayangkat ti panagraut idiay Iran a “just for fun” laeng, kasta met ti komento ni Defense Secretary Pete Hegseth nga imbasura ti inawagan na kas “stupid rules of engagement.”
Naalarma pay dagiti eksperto kadagiti panagraut ti civilian infrastructures, pagadalan, health facilities, ken pagtaengan.
Pinalawa pay ti U.S. military idi Marso ti imbestigasyon seknan ti strike idi Pebrero 28 ti maysa nga Iranian girls’ school, a segun iti Iranian Red Crescent ket 175 dagiti kumpirmado a natay.
Nagpakdaar ni Trump a tirwan ti Estados Unidos ti Iran iti inawagan na kas “extremely hard” kadagiti sumaganad a lawas, a nairanta tapno agsubli iti nasao a pagilian iti “Stone Ages.”
