LA UNION – Maipariten kadagiti fish vendors nga agsik-sik iti uray anya a klase ti sida kas koma iti tilapia ken bangus, a gatangen dagiti consumers.
Maysa ita daytoy kadagiti nairut nga ordinansa nga ipatpatungpal ti gobyerno syudad iti merkado publiko partikular iti fish section.
Nupay kasta, mabalin nga ikkaten iti asang ken bagis dagiti mailaklako a lames.
Inlawlawag met dagiti mangibagbagi ti city government kadagiti vendors nu apay a maipawilen ti agsiksik iti lames.
Dagiti ngamin siksik ti sida iti maysa a makagapo iti panag-pullat wenno panag-barado dagiti kanal.
Immunan a naiyemplementar iti intero a merkado publiko ti syudad iti panagusar laeng ti maysa a supot kadagiti gatangen a produkto.
Siasinuman a matiliwan nga aglabsing kadagiti nasao nga ordinansa ket mapatawan ti maiyannatop a multa.
