LA UNION – Nagpalagip iti Bureau of Fire Protection kadagiti residente nga agannad iti panagaramat ti kandila iti panawen ti UNDAS 2017.
Impaganetget ni Fire Inspector Edwin Orejudos, fire marshall iti Bureau of Fire Protection ditoy syudad ti San Fernando, a tarigagay da nga agbalin a natalged dagiti umili iti panang-obserbar iti All Saints Day.
Kinuna ni Orejudos a nu bilang saan a maliklikan ti agusar ti kandila iti uneg ti balay, kasapolan a bantayan ken agbalin nga alerto tapno maliklikan ti uram.
Malaksid dayta, siguradwen met a naka-iddep wenno naikkat ti sak-sakan iti amin nga electrical appliances ken gadgets, nangruna nu rumwar iti pagtaengan.
