Impaganetget ni Representative Gerville Luistro a napatpateg ti aktual a panagtignay ngem ti label iti pananghusga iti impeachment proceedings kontra kenni Bise Presidente Sara Duterte.
Segun kenni Luistro, saan koma nga ibasar iti nagan ti proseso iti konstitusionalidad daytoy, no di ket kadagiti addang ti komite a maitunos iti impeachment rules.
Nagramut iti isyu idi inawagan na a “mini-trial” iti panagdingeg, a kuestionaran ti kampo ni Duterte ken impaganetget a ti laeng Senado iti addaan ti bileg a mangisayangkat ti trial.
Tinakderan met ti mammanday-linteg a ti mapaspasamak iti House Committee on Justice ket “hearing proper” wenno clarificatory hearing a mabalin a maidilig iti preliminary investigation.
No mapaneknekan nga addaan ti probable cause, mabalin nga ingato ti kaso iti plenario ti Kamara para iti panagbutos. Apaman a maaprobaran, maipatulod dagiti articles of impeachment iti Senado para iti pormal a panagusig.###
