Kinumpirma iti Department of labor & Employment (DOLE) Region 1 a temporaryo a nagsardeng iti DOLE Akap Program iti agdama agsipudta awanen ti nabatbati a budget para iti nasao a programa iti rehiyon nupay agtultuloy ti panagsampet dagiti Overseas Filipino Workers (OFW) manipud iti sabali a pagilian gapu iti pannakaapektar iti trabaho da iti Covid 19.
Segun kenni DOLE Region 1 director Nathaniel Lacambra, naipaay da aminen ti budget a nailatang a para kadagiti OFW’s sipud idi nangrugi iti nasao a programa.
Pakabuklan a 57 million amin dagiti naipaay a pondo para kadagiti displaced OFW’s iti rehiyon.
Pakabuklan met a 5,783 OFW’s ti inasistaran da iti nasao a programa.
Innayon pay ni director Lacambra a kimiddawdan iti kanayonan a P50-P60 million pesos para kadagiti agtultuloy a sumamsampet nga OFW’s, kabinnulig da iti Overseas Worker Welfare Administration Region 1.
Maipalagip, OWWA ti manglvalidate ti aplikasyon dagiti OFW’s iti nasao a programa idinto a ti DOLE ti mangipapaay iti pondo.
