La Union – Dakkel nga pukaw iti pamilya ken kadagiti katrabaho iti pannakatay ni Jugde Mario Anacleto Bañez.
Iti pannakiuman ti Bombo Radyo La Union kenni sheriff Florentino Rivera ti Regional Trial Court Branch 25 idiay Tagudin, Ilocos Sur, kinuna a nagbalin nga patas daytoy kadagiti amin a kaso nga iniggaman na ken awan iti pinabpaboran na.
Innayon na pay, nasakit kadakuada iti pannakapukaw ni Jugde Bañez saan laeng nga iti intero a liderato ti korte ngem ketdi kas maysa nga gayyem.
Kabayatan na, manamnama nga agsubli ditoy syudad ti San Fernando, La Union ti bangkay ni Judge Bañez agarop alas 8:00 ita nga bigat kalpasan ti public viewing na idiay ili ti Tagudin no sadino maimasayag ti bangkay na iti pagtaenganda idiay Barangay Dallangayan Oeste para kadagiti maudi nga aldaw na sakbay a maitabon.
