Ragsak ti marikrikna ni maysa a tubo ti probinsya ti La Union, kalpasan pimmasa daytoy ti Board Exam.
Ti pannakiuman ti Bombo Radyo La Union ken Aleoh Ruiz Andrez, Top 9 ti Psycometrician Lincensure Examination, residente ti Pugo, Bauang, La Union ken nagturpos ti San Louis Univeristy ti Baguio City, saanna a mailadawan ti ragsakna gapu ta nagbungan dagiti sakripisyo na ken ti mano a tawtawen a panagadal na.
Napalaos met ni panagyamanna ti pamilyana gapu iti awan-sarday a suporta nga impariknada kenkuana. No man pay immadayo isuna ti pamilya na tapno agadal, saan daytoy a nagbalin a tubeng paar kenkuana.
Segun kenkuana, innalana ti kurso a BS in Psychology gapu ta tarigagayna ti sumrek ti lubong ti medisina.
Imbinglay na pay a challenging dagiti nagbalin a kapadasanna ni Andrez ti panagadal na nangruna idi kangitingitan ti pandemya.
No dadduma, saan na met a maliklikan ti malidayan nangruna no agmaymaysa laeng daytoy iti pagtaenganda gapu ta kasapulanna nga ibalanse ti panagadalna ken ti trabaho iti uneg ti balayda.
Innayon na pay a ti dua nga aldaw nga eksaminasyon da idi Agosto 1 ken 2, 2023, nagbalin kalabanna ti nerbyos a nariknana. Segun pay kenkuana, kasapulan a mamaster a naimbag dagiti basic gapu ta dakkel a tulong daytoy.
Maipalagip, nagadal ti Andrez ti elementarya idiay Saint Antonni Montessori iti ili ti Bauang, La Union. Ti met High Schoo, ket idiay BHC Educational Institution, Inc. ti Siyudad ti San Fernando, La Union ken Kolehiyo ko idiay San Louis Univeristy ti Baguio City.
