Nauram iti maikatlo a kadsaaran ti Senate Building idiay Pasay City, ita nga aldaw, Nobiembre 30.
Nagrugi iti uram ti agarop 6:30 ti bigat ken nabalkot ti napuskol nga asok iti nadakat a paset ti pasdek.
Dimmanon ti second alarm kalpasan ti aganay kagudua nga oras.
Dagos a rimusponde dagiti firetruck ken fire volunteers tapno sebseban iti uram ken maisalakan dagiti empleyado nga adda iti uneg ti pasdek.
Naideklara met a fire out iti uram kalpasan ti nasurok dua nga oras.
Agtultuloy nga am-amuen ti Bureau of Fire Protection (BFP) iti nagrugian ti insidente ken awan pay iti sibubukel a report maipanggep kadagiti posible a nasugatan wenno danyos iti pasdek.#
