BR LA UNION – Immandar ni President Ferdinand Marcos Jr. iti 24/7 nga operasyon ti Bagong Urgent Care and Ambulatory Service .
Tarigagay ti Presidente a makaipaay ti nasao a center iti napartak a serbisyo a medical ken health care para iti amin.
Inaramid ni President Marcos iti waragawag kagiddan iti naisayangkat nga inagurasyon ti Region 1 Medical Center Cancer Institute idiay Dagupan City.
Impaganetget ti presidente, nga awan ti pil-pilyen nga oras ken panawen iti sakit isunga kasapolan a kanayun a nakasagana.
Iti agdama, umaboten ti tallo a BUCAS centers iti ag-operate iti rehiyon ti Ilocos.
Kabilang dagiti idiaya a serbisyo ti BUCAS center ket minor surgeries, adult ken pediatric immunizations, dental services ken dadduma pay.
Maibasar iti datos, umabot iti nasurok 800,000 Filipinos iti naipaayanen ti serbisyo ti BUCAS centers nangruna kadagiti adayo ken nasulinek a lugar.
