Sakbay iti official visit ni Presidente Ferdinand Marcos Junior iiday Estados Unidos kas sungbat iti imbitasyon ni US president Donald Trump ket binilin nan dagiti nagduduma nga ahensya ti gobierno a saganaan ti layus nga inggubuay ti nasaknap a panagtudo.
Segun iti presidente, binilin na iti Office of the Civil Defense, Department of Transportation, Department of Health, Department of Science & Technology, Department of Social Welfare and Development, Department of Energy, Department of the Interior and Local Government, ken dadduma pay a maseknan a departamento nga aramiden ti trabaho da ken makikoordinar ti maysa ken maysa para iti kinatalged dagiti Pilipino.
Iti sabali a bangir ket innayon na a naipatuloden dagiti relief goods kadagiti apektado a lugar kakadwa dagiti medical teams.
Impasiguro na met iti kaadda ti kinatalged a transportasyon, umdas a supply ti danum ken kuryente para kadagiti pagkasapulan dagiti biktima.
Imballaag ni Presidente Marcos a dinggen dagiti abiso manipud kadagiti local ken gobierno-nacional kasta met a suroten dagitoy nu kasta ket saan a maisagmak iti alanganin.
Kamaudiananna ket impatalged ti Presidente iti agtultuloy a serbisyo ti gobierno iti kangitingitan ti karit nga inggubuay iti climate change.
