Pinapigsa ni Presidente Ferdinand R. Marcos Junior ken Ukrainian President Volodymyr Zelenskyy iti nabara a relasion ti Pilipinas ken Ukraine idi nagsaritada babaen ti telepono.
Tinalantan dagiti dua a lider ti posible a kooperasion iti food security, agrikultura, ken digitalization.
Segun kenni Presidente Marcos, nangilatagda kadagiti wagas tapno ad-adda pay a mapapigsa iti relasion kas panagsagana iti Presidency ti pagilian iti ASEAN inton sumaruno a tawen, karaman iti panangpapigsa ti ASEAN-Ukraine engagement.
Malagip a simmarungkar ni Zelenskyy idiay Malacañang idi 2024 ken inwaragawag na iti panangipasdek ti Ukrainian Embassy idiay Manila.
Naipasdek iti pormal a diplomatic relationship dagiti dua a pagilian idi 1992.
Iti post ni Zelenskyy, kenunana a nangidanon isuna ti panakipagrikna iti Pilipinas gapo kadagiti pimmusay ken danyos nga ingubuay ti bagyo.
Imbinglay na pay iti agtultuloy a koordinasion kadua iti Estados Unidos ken dadduma pay a partners para kadagiti addang nga agturong iti natalinaay a kinakappia iti rehionda.
Dinayawna iti agtultuloy a suporta ti pagilian iti peace efforts ti Ukraine, kasta met iti sovereignty ken territorial integrity.#
