BR LA UNION – Addaan ti 10 a persons of interest (POI) iti National Bureau of Investigation (NBI) a karaman iti maipagarop a gandat a panangipulist ti 521 a kilo ti maatap a methamphetamine wenno shabu a naggapo idiay Laos.
Imbaga ti NBI a naki-koordinar da metten iti Philippine Drug Enforcement Agency (PDEA) ken dadduma pay nga ahensiya para iti naun-uneg nga imbestigasyon.
Siniguro ti NBI iti publiko a babaen ti tulong ti PDEA ken dadduma pay nga ahensiya ket pagsungbaten da dagiti tattao a naggandat a mangipuslit ti iligal a droga ditoy pagilian.
Maipalagip a maysa a Pilipino ti naarestar idiay Laos gapu iti pananggandat nga ilugan iti chartered flight iti sumagmamano gasut a kilo ti droga a maiturong koma ditoy Pilipinas.
