Dimmanon iti 63 a drayber ken konduktor ti pampubliko a transportasyon iti nagpositibo ti panagusar ti ilegal a droga iti naisayangkat a nationwide drug testing campaign ti Philippine Drug Enforcement Agency (PDEA) para iti Undas 2026.
Segun kenni PDEA Director General Usec. Isagani R. Nerez, 5,479 drivers ken conductors iti naipasidong ti sorpresa a drug testing manipud Oktubre 26 agingga 31, 2026.
Iti daitoy a bilang, 62 iti nagpositibo ti shabu bayat a maysa iti nagpositibo ti marijuana.
Kadawyan kadagiti nagpositibo iti shabu ket dagiti tricycle driver, jeepney driver, bus driver, ken dadduma pay a kamen ti pampubliko a transportasyon.
Nababbaba daitoy ti 12.5 porsiyento nu iyarig iti 72 a nailista a positibo a resulta idi 2025.
Segun iti PDEA, tarigagay ti Oplan Harabas a masigurado ti kinatalged dagiti pasahero ken maliklikan dagiti aksidente iti kalsada, kabinnulig ti Land Transportation Office (LTO) ken Philippine National Police (PNP), babaen iti panagpigil ti panagmaneho iti sidong ti impluwensiya ti ilegal a droga.
