Kinarit ni Atty. Ferdinand Topacio ni Presidente Ferdinand Marcos Junior a naganan dagiti karaman ti anomalya a mangbalbalkot kadagiti eskandalo ti flood control projects.
Ti panangkarit ni Atty. Topacio ket kabayatan ti inangay a forum ti Partido Demokratiko Pilipino (PDP), ti partido politikal ti a pagserserbian ti deputy spokesperson.
Segun iti abogado, nu kanayon nga ipagpanpannakkel ni Presidente Marcos nga isuna iti nangiparugi iti imbestigasyon ken isu pay ti nangibutaktak ti nagnagan dagiti dadakkel a kontractor, nasken ket isuna met laeng iti mangiruar ti nagan dagiti masterminds.
Segun kenkuana ket Setyembre pay idi binukel ti Presidente ti Independent Commission for Infrastructure (ICI) ngem agaltalinaed latta a nabuntog ti panagrang-ay ti imbestigasyon, nangruna iti panangibalud kadagiti karaman iti eskandalo.
Agtalek ni Topacio nga ammo iti Presidente nu sino iti adda ti likudan ti korapsyon isu a kinuwestyon na nu anya iti manglalapped kadaitoy a mangibutaktak kadagiti nasao a nagnagan.
Iti agdama kunana ket lip-service laeng ti makitkita ti publiko manipud iti Presidente.
