Impaganetget ni Atty. Ferdinand Topacio a saan nga agsubli ditoy Pilipinas ni Representative Arnulfo Teves Jr. agingga agtaltalinaed ti korapsyon ti ehekutibo.
Daitoy ti nagbalin a reaksyon ni Topacio kalpasan a madamag isuna seknan ti plano ita ni Teves kalpasan a pagkedkedan ti appellate court ti Timor Leste iti extradition request ti Pilipinas.
Kinunana nga agalinaed latta sadiay ni Teves ken awan kenkuanan ti interes pay nga agawid ditoy pagilian, nangruna nu ikonsidera nu kasatno nga aramaten ti agdama nga administrasyon ti amin a bileg da tapno agibusen ti political dissent ken lapdan ti legitimate oppositions.
Innayon na pay nga agalinaed isunasadiay Timor Leste agingga saan a patas ti pannakatratar kenkuana; banag a saanna a maala iti agdama nga administrasyon nangruna nu ‘heavily corrupted’ iti ehekutibo.
Kabayatanna, saan pay a naawat ti Department of Justice (DOJ) iti kopya ti ruling ti korte seknan ti extradition.
Nupay kasta, immuna metten nga inruar ti ahensiya ti waragawag a daitoy ket naklaat ken nadismaya iti nagbalin a ruling iti local court ti Timor Leste.
