Nangipadanon ti pannakiladingit ni Presidente Ferdinand R. Marcos, Jr. kenni US President Donald Trump ken kadagiti residente ti Estados Unidos nga apektado ti nakaro a panaglayus idiay Texas.
Segun iti Presidente, ammo iti Pilipinas ti rigat ken karit iti panagbangon kalpasan ti maysa a didigra ken nakipamaysa isuna kadagiti pamilya a naawanan kadagiti napapateg iti biag.
Innayon pay ti presidente nga agtalek isuna iti tibker ken kinaibtur dagiti taga-Texas, kasta met iti liderato ni Trump a dagos da a makabangon manipud iti perdisyon layus.
