Manipud inton Biyernes, Disyembre 13, 2024, ipangaton ti Philippine Coast Guard (PCG) ti heightened alert status da kas panagsagana ti panagrambak iti Paskua.
Imbilin ni PCG Commandant Admiral Ronnie Gil Gavan ti amin a distrito, stations, ken sub-stations a papigsaen ti panagbantay tapno masiguro ti seguridad ti am-amin a sangladan, ferry terminal, ken panagbiyahe dagiti barko ti kabaybayan.
Wagas da daityoy tapno agbalin a napirmis ti operasyon dagiti sea transport facilities ken agbalin a naannayas ti panagbiyahe ti publiko nga agbakasyon ita a Paskua.
Malaksid iti daitoy, isagsagana pay ti PCG dagiti beach ken private resort ti intero a pagilian a papanan dagiti turista.
Nainget met ti maaramid nga inspeksyon kadagiti bitbit ti pasahero kasta met ti uneg ti barko nu sadinno ket adda iti maidutok a medical team tapno tumulong apaman adda iti emergency.
