Nangisayangkat ti napeggad a panagharang ti fighter jet ti China iti aircraft ti Philippine Coast Guard (PCG) iti tangatang ti Panatag Shoal wenno Scarborough Shoal idi aldaw ti Mierkules, Agosto 13.
Kinuna ni PCG spokesperson for the West Philippine Sea (WPS) Commodore Jay Tarriela a nangisayangkat ti delikado a tailgating ti PRC J-15 fighter aircraft iti PCG Caravan aircraft, sakay dagiti kameng ti media iti aganay 20 a minutos a 500 a kaadapan laeng ti kaadayo na kasta met a nagaptayab pay a direkta ti rabaw ti eroplano ti Pilipinas ti agarop 200 a kadapan laeng nga agwat.
Napadasan pay ti PCG aircraft dagiti lima a radio challenge manipud iti People’s Liberation Army (PLA) Navy vessel 553 bayat a sinurot met iti PLA Navy warship 568 dagiti dua a US Navy vessels a nasaripataptan iti lugar.
Segun kenni Commrdore Jay Tarriela, daitoy paylaeng ti umuna a gundaway ita a tawen a nakaengkwentro ti PCG patrol aircraft idiay ere ti maysa a Chinese fighter jet.
Sakbaya ket indeploy ti PCG ti nasao nga aircraft tapno madakamat nu adda pay iti lugar ti nakuppit a China Coast Guard (CCG) vessel 3104 kalpasan a madungpar ti kadwa na metlaeng a PLA Navy vessel 164 nga agpada nga awanen iti lugar.
Naideploy pay ti eroplano ti Pilipinas tapno mangisayangkat ti maritime domain awareness flight idiay Panatag Shoal a panggep nga imonitor ken siguraduen ti kintalged dagiti Pilipino a mangngalap iti lugar.
