BR LA UNION – Inadmitir ti Philippine Coast Guard a saan a nalaka ti panagbirok kadagiti mapukpukaw a mangngalap a maipagarup a naibelleng idiay Taal Lake.
Iti maysa a statement, kinuna ni PCG Spokesperson Capt. Noemie Cayabyab a mabalin a maipasango dagiti technical divers-da iti nadumaduma a karit.
Naamwan a 170 a metro ti kauneg ti Taal Lake idinto a 100 metro laeng ti kaadalem iti nabatok dagiti divers.
Ammo met ti PCG ti saan a sigurado a kalidad ti danum iti dan-aw ken ti agdama a dakes a kasasaad ti paniempo gapwanan ti panagtudo.
Ikonsiderarda pay dagiti aktibidad ti Bulkan Taal para iti panagbirok da.
Kinunana ni Cayabyab a nabayagen nga adda iti uneg ti danum ket nalabit nga awanen iti lugar a nakai-tinnagan no pudno dayta.
Iti laksid daytoy, kinuna ti PCG a makikoordinarda iti Philippine Navy tapno tumulong ken mapadaras ti panagbirok kadagiti sabungero a nasurok nga uppat a tawenen a sapsapulen ti pamilyada.
