Inikkaten ti Philippine Coast Guard (PCG) ti deputy commander ti estasionda sadiay Masbate kalpasan ti insidente a pannakaipuslit ti P170 million a “shabu” shipment sadiay Cebu City Pier.
Ti desisyon ket imbilin ni PCG Commandant Admiral Ronnie Gil Gavan a kunana a paset ti agtultuloy nga imbestigasion tapno maammuan ti pudno a nakabasol mainaig iti nasao nga insidente.
Ti kargamento ti Shabu ket naala babaen dagiti ahensia ti Philippine Drug Enforcement Agency (PDEA) ken ti Philippine National Police (PNP) idiay Pier 5, Cebu City idi Enero 23, 2025.
Kinuna dagiti autoridad a dagiti suspek ket maysa nga ina, a maipagarup a naglugan iti roll-on/roll-off wenno Roro passenger vessel manipud iti Masbate Port ken nangilemmeng iti kontrabando iti pribado a luganda.
Natakuatan laeng dagiti autoridad ti kontrabando idi nakasangpet ti barko idiay Cebu City gapu ti kinakurang ti umno a panangsukimat sakbay ti boarding.
Impaganetget ti PCG ti kinapateg ti regular a panangsukimat kas paset ti mandatoda a manglapped iti illegal a droga a sumrek kadagiti puerto ken kabaybayan ti pagilian.
Imbilin ni Gavan ti imbestigasion seknan ti saan a panangipatungpal ti routine inspection ti maysa a deputy commander sakbay ti boarding ti lugan.
Insungbat met ti deputy commander nga adda isuna ti maysa a courtesy meeting idi napasamak ti insidente.
Saan pay nga inruar ti PCG ti nagan ti Deputy Deputy Commander kabayatan ti imbestigasion.
