LA UNION – Simrek iti quarterfinals ti Women’s 57 kg. division ni Pinay boxer Nesthy Petecio.
Daytoy ket kalpasan nga inabak na ni Amina Zidani ti France iti Round 16 babaen ti majority decision.
Iti umuna a round ket iggem ni Zidani iti lamang, ngem idi simrek ti second round, nabingayen ti puntos dagiti judges.
Saan nga impalubos ni Petecio a masayang ti rigat na, isunga idi simrek ti third round, nagsasaruno a danog iti impalak-am na iti kalaban a boksingero ti France.
Inaklon ti Tokyo Olympics silver medalist a narigatan iti laban, isunga adda dagiti plano nga impakat da iti last round tapno maipangabak iti laban.
Nagyaman met ni Petecio kadagiti Pinoy fans a nagbuya ti laban.
