BR LA UNION – Nakasangpeten idiay Thailand ti sumagmamano nga atleta ti pagilian tapno makipaset iti 33rd Southeast Asian Games (SEA Games).
Nupay idi napan a lawas ket addan iti immun-una nga atleta ken coaches a nagluwas, idi kalman (Domingo) ket nagluwas met dagiti opisyal ti National Sports Associations (NSA), Philippine Sports Commission (PSC), ken Philippine Olympic Committee.
Opisyal a mangrugi ti torneyo inton bigat, Disiembre 9 ken agpaut agingga Disyembre 20.
Idi Biyernes, nangrugin dagiti group stage games iti men’s ken women’s football team.
Nangabak ti men’s football team ti Myanmar iti 2-0 idinto a naabak ti women’s football team ti Myanmar iti 2-1.
Ti tennis star a ni Alex Eala ken Men’s Volleyball star Bryan Bagunas ti agserbi a flag bearers iti opening ceremony inton Disyembre 9.
