Nagpanawagan ti Pilipinas sadiay United Nations Security Council (UNSC) nga idaulo ti regulasyon ti panagusar ti artificial intelligence (AI) iti tay-ak ti militar dagiti baro a karit iti sangalubongan a seguridad.
Imbatad ni Foreign Affairs Secretary Maria Theresa Lazaro iti konseho iti pananglaglagip ti AI kadagiti military arms a kunana ket mangigubuay laeng iti nakarakro a tensyon. Dinakamat na a dagiti AI-assisted weapons ket saan met nga agandar nu saan a kontrolen ti tao dagitoy.
Maipalagip a ti Pilipinas ket karaman kadagiti mangidadaulo ti pannakabukel ti UN General Assembly resolution idi tawen 2024 mainaig iti “Artificial Intelligence in the Military Domain,” a nakapamaysa ti panangdakamat ti AI-driven arms race.
Pinaregta ni Lazaro iti Council nga i-angkla dagiti allagaden maipapan ti AI iti international humanitarian law ken human rights law kasta met ti nainget a panangimaton ti teknolohiya kadagiti peacekeeping missions tapno masalakniban iti tattao.
Nagpakdaar isuna a ti AI, kas iti deepfake propaganda, disinformation, ken automated targeting ket mabalin a makapartuat ti gyera ken mangdadael ti demokrasya.
