Kinontra ni House Deputy Minority Leader ken Bagong Henerasyon Party-list Rep. Bernadette Herrera ti Philippine Health Insurance Corporation (PhilHealth).
Kasaruno daitoy ti viral social media post mainaig ti kapaspasngay laeng a maladaga a saan a naipaayan ti PhilHealth emergency coverage kalpasan a mairuar ken maisubli manen ti ospital iti kapada nga aldaw gapo iti kritikal a kondisyon.
Dinamag ni Herrera ti klase ti sistema ti adda iti PhilHealth a saan na a natungpal ti mandato na a tulungan dagiti Pilipino nga addaan ti problema ti salun-at.
Impunto na pay a lumampas ti bilyon iti pondo ti PhilHealth ngem makapadismaya a mapapaay da latta a maited dagiti maiyannatop a benepisyo kadagiti miembro da.
Impaganetget ti opisyal ti PhilHealth a bumisita kadagiti ospital tapno maamwan ti pudno a mapaspasamak ken nu aniya dagiti agdama a karit ken problema dagiti miembro.
