Target ti Philippine National Police a papigsaen ti serbisyo publiko da ita a tawen 2026.
Segun kenni PNP Chief Police Lieutenant General Jose Melencio Nartatez Jr., maysa kadagiti kangrunaan a panggep da ket ti panangpamaysa ti resource management a pakairamanan ti nainget a panagusar ken panangimaton kadagiti arawaten ken pondo ti hanay.
Maysa ditoyen ti panangpangato ti morale ken panangpasayaat ti kasasaad ti tunggal kameng ti PNP, manipud iti kababaan a ranggo agingga kadagiti opisyales.
Impaganetget pay ni Nartatez Jr. a papigsaen da ti Enhanced Managing Police Operations (EMPO) tapno agbalin a naparpartak ken epektibo ti panagresponde kadagiti nagduduma nga insidente ken krimen.
Prayoridad pay ti PNP, babaen ti panangimaton na, iti Integrity Monitoring a tarigagay met a masiguro ti integridad ken panagbalin nga umno ti tunggal miembro.
Agbalin payen a strikto iti disiplina ken pagsungbatan ti tunggal pulis tapno agbalin da a napaliiw iti tunggal aksyon da ken responsibilidad.
