Nangiruar iti update iti Philippine Institute of Volcanology and Seismology wenno PHIVOLCS mainaig dagiti agtultuloy nga earthquake activities idiay probinsya ti Pangasinan a nangrugi idi pay Mayo 27, 2026.
Maibasar iti listaan ti ahensya ti agingga Hulyo 3, 2026, dimmanonen ti 385 dagiti nailista a babassit a panagdayeg. Kadaitoy a bilang ket 203 dagiti ‘plotted’ ken dua laeng ti narikna dagiti residente.
Manipud magnitude 1.8 agingga 5.1 iti nailista a kapigsa dagiti ginggined, nga addaan ti kauneg a dua agingga 131 a kilometro.
Agtultuloy ti panagbantay iti PHIVOLCS iti sitwasyon ken nagballaag da kadagiti residente nga agtalinaed nga alerto ken sumurot kadagiti abiso iti lokal a gobierno ken dagiti otoridad.
