LA UNION – Iti umuna a gundaway, karaman ti Pilipinas iti destinasyon ti French Air Force mission a mangrik-rikos iti Indo-Pacific region.
Paset metten daytoy iti tarigagay ti France a papigsaen ti panagkadwa da iti Pilipinas maipapan iti depensa.
Iti French Air Force mission ket buklen iti maysa a contingent manipud French Air and Space Force a makipas-pasaet iti Pegase 24 nga ag-stop over idiay Clark Air Base, Pampanga tapno ipakita iti commitment ti European country ti takder na para itri nawaya a panaglayag ken panag-patayab kadagiti lugan pang-tangatang iti rehiyon pasipiko, segun kenni French Ambassador Marie Fontanel.
Iti Pegase 24 ket tinawen a French mission idiay Indo-Pacific region nga addaan tarigagay nga ipamatmat iti air power projection.
Tumayab ti nasao a French mission karga na iti dua nga Rafale multi-role fighters, maysa nga A400M tactical lift aircraft ken A330 aerial refueling and military transport aircraft, iti panagbisita na ditoy Pilipinas.
Iti stopover ti contingent ditoy pagilian, namnamaen a maaddaan ti bilateral activities a makatulong iti panangbukel ti natibker a pundasyon iti air-to-air cooperation iti baetan ti France ken PH.
Iti agdama, agtultuloy ti negosasyon iti dua a pagilian para iti maysa a defense pact tapno ipalubos iti panag-pinnatulod ti military forces iti agsumbangir a benneg, para iti panangisayangkat ti joint exercises.
