Lumawa ti oportunidad para kadagiti produkto a Pilipino a makastrek iti South American market kalpasan ng inwaragawag ti Department of Trade and Industry (DTI) ti nakatuding a panagapirma ti Pilipinas ken Chile ti maysa a Free Trade Agreement inton sumaruno a lawas.
Segun kenni Trade Secretary Cristina Roque, a naianunsiyo idi Huwebes, Nobyembre 12, 2026, ti umadani a panagpirma iti katulagan nga addaan tarigagay a papigsaen ti relasion ti panagtagilako iti nagbaetan ti dua a pagilian.
Iti sidong ti Free Trade Agreement wenno FTA, manamnama a makissayan wenno maikkat ti sumagmamano a taripa ken dadduma pay a lapped iti iseserrek dagiti produkto iti bukodda a merkado.
Mabalin daytoy a mangipaay kadagiti dakdakkel a gundaway kadagiti lokal nga eksporter ken manufacturer, partikular dagiti prodyuser kadagiti produkto ti agrikultura, processed food ken manufactured goods nga addaan panggep a makastrek iti merkado ti Chile ken sabali pay a pagilian ti Latin Amerika.
Manamnama pay a makatulong ti nasao a katulagan a mangpapigsa iti competitiveness dagiti produkto ti Pilipino, mapalawa ti export market ken mangpataud iti panggedan.
Nupay kasta, agpannuray ti aktual a pagimbaganna kadagiti produkto a sakupen ti katulagan, ti lebel ti pannakakissay ti taripa ken dagiti kondision a masapul a suroten dagiti exporter.
