Nangisayangkat ti militar ti Pilipinas ken Indonesia kadagiti baro nga military exercises.
Daytoy ket babaen ti PHILINDO Strike IV exercises a nangrugi idi Miyerkules sadiay Maguindanao del Norte a pagserserbian ti 6th Infantry Division ti Philippine Army kas host.
Iti sidong ti PHILINDO Strike IV exercises, naitunos ti operational readiness training, panagtaming kadagiti pangta iti international security ken stability partikular iti Southeast Asia, ken military efficiency tapno mataming dagiti agdama a karit iti Indo-Pacific Region.
Ditoy a marukod ti panagtitinnulong ti dua a militar ken uray ti kinasaganada a mangisayangkat kadagiti operasion militar, humanitarian, ken disaster operations.
PHILINDO Strike ti opisial a nagan ti joint military exercises ti Indonesia ken Pilipinas.
