Inawagan manen ti Pilipinas ti China a mangikkat iti ‘monster ship’-da iti kabaybayan ti pagilian, partikular ti barko a China Coast Guard 5901 idiay West Philippine Sea.
Iti naangay a press conference, kinuna ni National Task Force – West Philippine Sea (NTF-WPS) spokesperson Jonathan Malaya, naalarma ti pagilian iti kaadda ti kastoy a barko nga adda iti uneg ti Philippine Exclusive Economic Zone.
Kinunana nga adda metten naisubmitir da a nalawag a request ken demand iti gobierno ti China nga ikkatenen ti barkoda iti nasao nga taaw.
Impetteng ni Malaya a saan pay a simmungbat ti China iti request ken demand da.
Mainaig iti daytoy, nangipaulog ti Department of Foreign Affairs iti diplomatic protest kontra iti kaadda ti nadakamat a monster ship.
