LA UNION – Dismayado ti maysa a Filipino photojournalist nga adda iti official assignment idiay Vallejo, California kalpasan a natakawan kadagiti nginginaen a gadgets.
Segun ken ni Harley Palangchao, photojournalist manipud Baguio city, dumanon iti P270,000 ti balor dagiti imetna a gadgets a pakaibilangan ti laptop, camera, external hard drive ken dadduma pay.
Inlanadna nga imbatina dagiti alikamen daytoy iti uneg ti kotse nga imparadada iti sanguanan ti restaurant agarup alas-8:30 ti rabii ngem idi sublianda kalpasan ti maysa nga oras ket nabuongen ti tawa ti lugan bayat a mapukpukaw ti backpack-na.
Dinakamatna pay a naupay daytoy gapu iti nabuntog a panagresponde ti Vallejo police kalpasan ti insidente.
Ni Palangchao ket adda idiay California tapno i-cover-na ti renewal ti sisterhood ti Baguio City ken Vallejo kaduana ni City Mayor Mauricio Domogan. (PLAD)
